19
plaga autem australis meridiana a Thamar usque ad aquas Contradictionis Cades et torrens usque ad mare magnum et plaga ad meridiem australis
20
et plaga maris mare magnum a confinio per directum donec venias Emath haec est plaga maris
21
et dividetis terram istam vobis per tribus Israhel
22
et mittetis eam in hereditatem vobis et advenis qui accesserint ad vos qui genuerint filios in medio vestrum et erunt vobis sicut indigenae inter filios Israhel vobiscum divident possessionem in medio tribuum Israhel
23
in tribu autem quacumque fuerit advena ibi dabitis possessionem illi ait Dominus Deus