Mark 13:12-22

12 tradet autem frater fratrem in mortem et pater filium et consurgent filii in parentes et morte adficient eos
13 et eritis odio omnibus propter nomen meum qui autem sustinuerit in finem hic salvus erit
14 cum autem videritis abominationem desolationis stantem ubi non debet qui legit intellegat tunc qui in Iudaea sunt fugiant in montes
15 et qui super tectum ne descendat in domum nec introeat ut tollat quid de domo sua
16 et qui in agro erit non revertatur retro tollere vestimentum suum
17 vae autem praegnatibus et nutrientibus in illis diebus
18 orate vero ut hieme non fiant
19 erunt enim dies illi tribulationes tales quales non fuerunt ab initio creaturae quam condidit Deus usque nunc neque fient
20 et nisi breviasset Dominus dies non fuisset salva omnis caro sed propter electos quos elegit breviavit dies
21 et tunc si quis vobis dixerit ecce hic est Christus ecce illic ne credideritis
22 exsurgent enim pseudochristi et pseudoprophetae et dabunt signa et portenta ad seducendos si potest fieri etiam electos
California - Do Not Sell My Personal Information  California - CCPA Notice