46
Et exclamavit voce magna: Mundus ego sum a sanguine huius.
47
Et conversus omnis populus ad eum, dixit: Quis est iste sermo, quem tu locutus es?
48
Qui cum staret in medio eorum, ait: Sic fatui filii Israel, non iudicantes, neque quod verum est cognoscentes, condemnastis filiam Israel?
49
Revertimini ad iudicium, quia falsum testimonium locuti sunt adversus eam.
50
Reversus est ergo populus cum festinatione, et dixerunt ei senes: Veni, et sede in medio nostrum, et indica nobis: quia tibi Deus dedit honorem senectutis.