13
dixit benedictum est nomen tuum Deus patrum nostrorum qui cum iratus fueris misericordiam facies et in tempore tribulationis peccata dimittis his qui invocant te
14
ad te Domine faciem meam converto ad te oculos meos converto
15
peto Domine ut de vinculo inproperii huius absolvas me aut certe desuper terra eripias me
16
tu scis Domine quia numquam concupivi virum et mundam servavi animam meam ab omni concupiscentia
17
numquam cum ludentibus miscui me neque cum his qui in levitate ambulant participem me praebui