6
et auctores parentes animarum inauxiliatarum voluisti perdere per manus parentum nostrorum
7
ut dignam perciperent peregrinationem puerorum Dei quae tibi omnium carior est terra
8
sed et his tamquam hominibus pepercisti et misisti antecessores exercitus tui vespas ut illos paulatim exterminarent
9
non quia inpotens eras in bello subicere impios iustis aut bestiis saevis aut verbo duro simul exterminare
10
sed partibus iudicans dabas locum paenitentiae non ignorans quoniam nequa est natio illorum et naturalis malitia ipsorum et quoniam non poterat mutari cogitatio illorum in perpetuum