John 15:13-16

13 maiorem hac dilectionem nemo habet ut animam suam quis ponat pro amicis suis

14 vos amici mei estis si feceritis quae ego praecipio vobis

15 iam non dico vos servos quia servus nescit quid facit dominus eius vos autem dixi amicos quia omnia quaecumque audivi a Patre meo nota feci vobis

16 non vos me elegistis sed ego elegi vos et posui vos ut eatis et fructum adferatis et fructus vester maneat ut quodcumque petieritis Patrem in nomine meo det vobis